Schwiegereltern

Eröffnet am 1. April 2013 um 19:19 Uhr von Shamy, bisher 18 Antworten.


Beiträge zu diesem Thema (19 Beiträge)


BooBlack schrieb:

Fr, 26. April 2013, 12:25
Ahhh ok, iz kapieris.
Nei findi demfall au nöd in ornig -.- mag so lüt au nöd

Zoe35 schrieb:

Fr, 26. April 2013, 14:28
Hi Sascha

oh nei, unter dene Umständ hett ich au echt was degege. Denn sind dini Schwiegis nöd emal "die Velofahrer" sondern es chunnt dene jetzt nach Jahre in Sinn, mal mit Velo inkl. Veloahänger und Chind so Usfährtli go mache.
Ich finde es halt im Verkehr au voll gfährlich und würd mi wie scho gseit au nöd getraue mit Veloahänger. Wenn scho denn eher mit dene Chindersitzli ufem Gepäckträger. Aber das gseht wohl jede anders.

Das mitem Autofahre mit dä Schwiegereltere und Chindersitzli chan ich au navollzieh. Unter normale Umständ fänd ich's eigetli au nöd so tragisch - ehrlich gseit. Passiere chan leider immer und überall öppis. Aber wenn ich mir Dini Schwiegereltere z.B. so vorstelle als "super Autofahrer" wie min Schwiegervater - denn isch es schlimm. Er isch än katastrophale Autofahrer. Meischtens bütet er sich a, eus vom Flughafe abzhole - was ja au voll nett isch eigetli. Meischtens chömmer denn nöd ablehne und denn hani würkli Angst um mis Läbe und min Fründ selber au. Wenn er uf dä Autobahn will überhole oder Spurwechsel mues mache, und dä Siiteblick macht, denn schwenkt äs Auto au grad mit. Voll schlimm. Er isch au nümm dä jüngscht.
Ich ha mim Fründ vo Afang a gseit, ich will uf ken Fall, das sini Eltere jemals ufd Idee chämed, mit eusem Sohn Auto z'fahre. Das isch bis jetzt zum Glück au nie dä Fall gsi - drum sind mir so Diskussione zum Glück au erspart blibe.
Es isch ja toll, dass dini Schwiegereltere mit euem Chind einiges wänd unterneh, aber Dir defür so Seich go verzelle, isch halt scho nöd in Ornig!

Aemmitalerin schrieb:

Mo, 29. April 2013, 11:07
da ig und mi maa beschlosse hei das mir ä reboart kinder sitz wei, isch mis mami nüd verläge um doofi sprüch zmache. we ig ihn ga go abhole, seit sie mir öpe; das sie am morge gärn wär go ichoufe, het ja aber nid chönne, da sie ja ke outositz heigi. und am friti wo sie für 2 std hürti isch cho luäge, het sie o nur so gmacht, a mir chönte ja hurti i jakobmarkt die hei 10%., mi müesste eifach zouto tusche. säge jedes mau nei. us troz.
we sie ihn lenger het, chamme ja guet outo tusche...
i ha vo letscht ä veloahänger günstig gseh und das mim mami gseit das sie doch dä söu choufe, damit sie mit ihn cha go ichoufe... (sie fahre scho sit jahre velo) tantwort isch nur gsii, das sie ke platz hei... wo nid stimmt,vo mir us gseh.

müettere und s.müettere, mir chönnte öich mängisch!!!! aber den de richtig!!!!

sterndli85 schrieb:

Sa, 27. Juli 2013, 08:46
hihi, eltere und schwiegereltere... :) me sött sich nid ufrege... :) ich lache immer drüber... ich glaube ds problem isch, dass sie das guet meined... aber ebe mängisch au ds gfühl hend, sie wüsseds besser, wel sie ihri chind ja gross bracht hend... und das chan müehsam sii... ich säge denn amigs nid vill... ha au scho produkt übercho, woni ha müesse säge, das findi nid so guet, u vill zucker dinne... has denn aber schweigend gnoh und has selber gesse... nur wel druf staht es sig es chinderprodukt( säge nur jamadu und lillybiggs!) heissts nid, dasses super isch... :) aber uf derig sache lahni mi amigs gar nüm so ii... schweigend neh und lache... :)