Willkommen Juli 2013 Mamis

Eröffnet am 2. April 2013 um 10:30 Uhr von Chräbsli13, bisher 19 Antworten.


Beiträge zu diesem Thema (20 Beiträge)


Chräbsli13 schrieb:

Di, 2. April 2013, 10:30
Hallo zäme

Ich bin von der Juli 13 Gruppe im Babycenter Schweiz zu Babywelten.ch rüber gewechselt.
Würde mich freuen hier noch ein paar alte oder auch neue "Gesichter" zu treffen.

Unser ET ist der 11.07.2013!

Grüessli Chräbsli13

RianaMaria schrieb:

Di, 2. April 2013, 12:51
ja chrebsli ich bin au vo babycenter übere cho güggsle aber ja es si no nid eso viel da übere cho :)

Chräbsli13 schrieb:

Do, 4. April 2013, 08:44
Hallo RianaMaria

Schön, dass ich hier nicht mehr alleine bin.
Woher kommst du? Ich bin aus St. Gallen.
Grüessli Chräbsli

Chräbsli13 schrieb:

Do, 4. April 2013, 08:47
Hey Bidi
Willkomme :-)

Frage i bin mer nüm ganz sicher, aber machsch du i de Klinik au en
Geburtsvorbereitigskurs? I bin ab em Di. 14.5.13 agmeldet. Han zwar
i dere Wuche no Ferie, wird denn ab em 2. Mal dezue cho.

Grüessli Chräbsli

Guayana27 schrieb:

Do, 4. April 2013, 11:16
Hei,ich hab den weg auch gefunden zu babywelten.vielleicht werden wir hier ja wieder etwas aktiver.

Bidi schrieb:

Do, 4. April 2013, 12:42
@ chräbsli: nai mach dasmol keine, han bim erste chind aber de im stephanshorn gmacht und bin z friede gsi.

Bidi schrieb:

Do, 4. April 2013, 12:44
Hend ihr scho näme für eui würmli gfunde?

Chräbsli13 schrieb:

Do, 4. April 2013, 22:03
Hallo Guayana27

Willkomme und ja i hoffe au dass mer do wieder chli aktiver sind.
Isch ja im BC e chli langwielig gsi die letschte Wuchene. LG

Chräbsli13 schrieb:

Do, 4. April 2013, 22:05
Bidi hat Folgendes geschrieben:
Hend ihr scho näme für eui würmli gfunde?

Hmmm ja i glaub scho ;-) aber jetzt lueged mir mal obs morn immer no nach eme Meitli usgseht. lach
Hettet aber au en Buebename....

Bärnermodi schrieb:

Do, 11. April 2013, 20:55
Hallo zämä! ou ig ha vo babycenter zu babywrlzen gwächslet...!
hoffe, es geit öich bald-mamis und de buuchbewohner guet?
grüessli
bärnermodi

sinnaeli schrieb:

Fr, 19. April 2013, 21:58
Hallo zämä

ich bi vorhär ai uf Babycenter gsie, bi aber nid sehr aktiv gsie ide Juli-Gruppä. schad, dass da nid meh laift! Viellicht chemmer das ja änderä?! :-)
Iese Termin firs zweitä Chind isch de 5. Juli. Iesä Sohn isch im Auguscht 2011 geborä.
Wie gahts iech so ide Schwangerschaft? miär gahts jetzt wirklich tip top. Bi viel fitter als ide erschtä Schwangerschaft zur gliechä Ziet und mag trotz astehendem Umzug nu sehr guät. S Chlienä gspür ich sehr viel und sehr intensiv. Bi scho soooo gspannt, was äs fir nes Persöndli isch :-)
Allerdings hanich meh Respäkt vor de Geburt als bim erschtä Mal, was ich miär sälber gar nid rächt cha erklärä. Ich träumä ai scho sehr viel vo de Geburt. Kennid iär das ai?
Wurd mich freuä, vo iech z läsä! :-)
allnä ä guäti Nacht und chugelrundi Grüäss

Chräbsli13 schrieb:

Sa, 20. April 2013, 15:18
Hallo Sinnaeli

Jo leider lauft do würklich nonig so vill! Isch ja die letschte Woche im BC au so gsi.
Also mir gots au super guet, chan mi würklich nid beklage. Ok sit ere Wuche schlof i nüm ganz so guet und vor allem nüm so tüüf wie vorher. Aber das isch scho ok, han mer scho sorge gmacht, dass i mit mim super Schlaf s Baby nöd ghöre wenns schreit :-).

Also euses Baby haut immer umenand wenn mer grad nid ufpassed und chum isch d Hand vo mir oder mim Ma uf em Buch isch Ruh!!!

Mer sind au scho sehr gschpannt uf euses Chline.....

LG Chräbsli

sinnaeli schrieb:

Sa, 20. April 2013, 21:25
Hallo Chräbsli

schen, dass äs Diär ai so guät gaht!
Das mit em schlächtä Schlaf kenn ich ai. Wenn ich nid äifach so wach liggä, de träum ich momentan sehr hiefig vo de Geburt. Isch nu speziell... ich bi grad hit wieder am halbi 6i uif ga Yoga machä, will ich gfundä ha, äs bringt niet, nu länger wach im Bett z liggä. Het guät ta :-)
Jö, ieches Chlienä schient ja äs Schüüchs z sie :-)
Gäll, bi Diär isch äs s erschtä Chind? schaffsch Du nu voll?

Liäbi Grüäss sinnaeli

Chräbsli13 schrieb:

Mo, 22. April 2013, 08:33
Guete Morge Sinnaeli

Ja bi mir isch es s erschte Chind! Und ja ich schaffe immer no 100%.
Hoffe aber scho dass i so ab endi Mai chan uf 50% reduziere.
Und wie gsehts bi dir us, schafsch du au no? Bi dir isch es ja glaub s zweite, oder?

Grüessli und en schöne Mäntig

sinnaeli schrieb:

Di, 23. April 2013, 12:58
Hallo Chräbsli!
Ja, bi miär isch äs s zweitä Chind. Ich ha bis jetzt nu chlie gschaffet, aber immer nur vo dehäi us (max. 20%) und immer nur, wenn iesä Chlie gschlafä het. Gibä ihn nach wie vor nid gärn wäg- bi ä richtigi Gluggä und gniässä d Ziet mit ihm sooooo :-) mie Vertrag isch befristet gsie und laift jetzt us. Vorläufig suäch ich niet. Zersch miemmer ies de Mal a neu Alltag gwehnä. Ha scho nu chlie Respäkt vor em Läbä mit zwei Chind!
Wie hesch Dus plant? Wettsch Du nachär wieder ga schaffä?
Hoffentlich klappts mit em Reduzierä, ich drickä Diär d Diemä!
Ä liäbä Gruäss
Sinnaeli