Willkommen Juli 2013 Mamis

Eröffnet am 2. April 2013 um 10:30 Uhr von Chräbsli13, bisher 19 Antworten.


Beiträge zu diesem Thema (20 Beiträge)


Chräbsli13 schrieb:

Mi, 24. April 2013, 16:33
Huhu Sinnaeli
Danke fürs Dume drucke ;-) das wird scho.
Ja i han scho vor nach de 14 Wuche wider 50% go schaffe.
Einersits will mirs bruched (wod min Läbensstandart nid drastisch chürze) und
anderersits will mir da es chlises Büro sind und ohni mich nid guet wieter lauft. lachhh
Nei i mache da wirklich alles und da euse Lehrling au no grad fertig isch und weg got
isch d Chef susch chli ufgschmisse.......
Han s freie Zimmer scho als Chinderzimmer reserviert und min Ma schaft au do und so
chan er sini arbetszyt au no chli flexibel gschtalte. Zuedemm wot i vill vo dihei us mache....
Mol luege öb da alles so ufgot...
Mehr freued eus rieeeeesig uf euse chli Muus, hend aber scho chli respäckt (so wie du vor 2 isch es bi eus vor 1 Chind) lach.
Lg und en schöne Tag Chräbsli

sinnaeli schrieb:

Do, 25. April 2013, 21:03
Hallo Chräbsli

Das chanich guät verstah wäg em Läbesstandard, womer nid so wett ieschränkä. Jetzt, wonich gar nimm dezue verdienä, wirds Budget halt nu äinisch schmäler. Ieses Glick isch, dass miär ä richtig ginschtigi Wohnig gfundä hend. So hemmer trotzdem nu chlie spatzig. Und susch muäss ich de halt ai wieder luägä, dass eppis inä chunnt...
Ich freu mich ai riiiiiiesig uf s zweitä. Bi langsam so gspannt und wett iese chlie Ängel kennälehrä! Aber gäll, äs isch halt immer ai chlie Ungwissheit debie. Ich ha ai grossä Respäkt gha vor de Umstellig vom Paar-Läbä uf Familie. Äs isch scho Vieles andersch, aber ich findes nu viel schener, als ichs miär vorgstellt ha ;-) muäss aber ai sägä, dass ieses Manndli wirklich äs "Afänger-Baby" gsie isch! Trunkä het är zwar nid sooo guät, aber defir sehr wenig brielet, tip top gschlafä und är isch ai jetzt nu im Allgemeinä sehr äs pflegeliechts Chind. Ich hoffä fescht, s Chlienä gliechi ihm det durä ;-)
Wie gahts Diäör so? Ich ha letscht Nacht wahnsinnig Miäh gha. Mie Buich isch immer wieder ganz hert wordä und ich ha nimmä gwisst, wie liggä. Usserdem hanich äs paar bledi Chrampfaderä becho, wo am Abig allig chlie weh tiänd. Aber im grossä Ganzä chanich mich nach wie vor nid beklagä. Bi eigentlich wirklich nu sehr fit.

Lg und ä schenä Abä sinnaeli

Chräbsli13 schrieb:

Fr, 3. Mai 2013, 14:39
Hallo Sinnaeli

Sorry han mi chli rahr gmacht die letschte Täg. Aber irgendwie wots da im Juli-Club nid so richtig lauft. Schön dass mir zwei e chli plauderet....

Mir gots sowit ganz ok, im Augeblick isch de Chef i de Ferie was für mich en Mega Stress isch, will ich 1 Bürolehrling, 5 Monteure und 3 Elektrolehrling mues im Griff ha und manage ;-) nid immer ganz eifach aber schlimmer sind ab und zue d Chunde. lach
Je nu nur no bis am Mittwuch Obig und dänn han ich 1.5 Wuche Ferie und denn möchte i def. reduziere, will langsam aber sicher wird's mer z vill.

Han no chli es Problem dass mini Maus chli z gross bez. z schwer isch und drum han i am Di. müese so en blöööde Zuckertest mache. iiiiiiihhhhhhh und leider hend denn au tatsächlich d Zuckerwert nid so ganz passt. Bis ich Afangs nöchscht Wuche en Termin bi ere Diätberatig bechum han ich mich jetzt sofort sälber uf zuckerfreii Nahrig gsetzt. Ich voll dofff und das will i ja zwar scho z vill Kilos uf de Rippe ghg han aber i de SS bis jetzt nur grad 4.3 kg zue gno han. Somit han i nid glaubt dass es disbezüglich es Problem git. Aber ebe da krieg i scho in Griff sind ja nur no 10 Wuche und bis denn wird sich mini Maus scho wieder gwischtsmässig apasse. Jetzt han i sogar nur no 2.5kg meh als vor de Schwangerschaft.

So also bis bald und alles guti. Chräbsli

sinnaeli schrieb:

Mi, 8. Mai 2013, 14:47
Hallo Chräbsli

ja, hesch rächt, da innä wetts äifach nid so richtig laifä...

Tuät mer läid, dass ich Diär ersch jetzt Antwort gibä. Miär hend ziglet und ich ha ersch jetzt grad s Internet wieder chennä ierichtä.

Du bisch ja en Armi! Schaffsch äs guät ohni Zucker? Ich muäss ehrlich sägä, das wär mie absolut Horror... ha ide Schwangerschaft nu meh Luscht uf Siässes. Ha bs jetzt ca. 8 kg zuegnuh.
Was hends gmeint ide Diät-Beratig? Muäsch das uf jedä Fall bis zur Geburt duräzieh oder gits nu Hoffnig, dass sich das wieder stabilisiert und Du normal dafsch ässä? Sorry, ha nid wirklich viel Ahnig vo SS-Diabetis... :-(

Hey, wenn ich das richtig verstandä ha, hesch ab hit chlie Feriä und de Stress überstandä? Ich hoffä, Du chasch Dich guät erholä! Mie Ma het ab nächscht Mändig zwe Wuchä Feriä und ich freu mich riesig druif, chlie Ziet zämä z verbringä. Ieläbä miänd iesä Sohn und iech ies leider elläi. Mie Ma muäss grad sibä Tag am Stick am altä Wohnort schaffä und isch ai Znacht uf Bereitschaft, so dass är leider nid cha hei cho. Isch vor allem fir iesä Chlie momentan nid grad äifach. Mängisch hanich s Gfiehl, är het Angscht, de Vati wohni jetzt gar nimm bi ies. Nimmä miär hit drum äifach viiiiiel Ziet zum mit ihm chlie spielä, Biächli aluägä etc. De Morgä het är afig seeeehr gnossä und jetzt binich gspannt, wie lang är cha pfuusä (isch ide letschtä Täg ide neuä Umgäbig halt ai nu nid so guät gangä).
Miär gahts immer nu sehr guät, usser dass de Buich wahnsinnig wachst und ich nid wäiss, wie das bis zum Schluss nu sell uisä cho?! Ha nächscht Donnschtig Termin bi de Hebamm und freu mich riesig druf!

Ganz liäbi Grüäss und ich drickä Diär fescht d 'Diemä, dass Du wenigschtens ab und zue chlie Zucker chasch ässä...
Sinnaeli

Bärnermodi schrieb:

Mo, 29. Juli 2013, 13:54
Hallo ihr lieben!
melde mich auch mal wieder...!
mein kleiner sonnenschein ist seit dem 15. juli auf der welt.
leider hatte er einen schwierigen start ins leben und liegt immernoch im krankenhaus (neonatologie). hatte geburtsstillstand und dann einen kaiserschnitt. der kleine hatte dann noch etwas "wasser" in der lunge. als dies endlich weg war sah man, dass er entzündungen auf der lunge hat. das atmen fiel im schwer... nun hat er eine antibiotika-therapie bekommen, welche anschlägt (zum glück...!) noch 1-2 tage, dann kann ich meinen schatz nach hause holen.

hoffe, ihr hattet eine gute geburt und eurem baby geht es gut...!

lg, bärnermodi