BL / BS

D Peyton isch sicher ab gebäre und zwar ganz ohni noche helfe :D *fest dra glaub!*

hoffemers doch ganz fescht

hätt sunscht au no e ileiterfahrig zum verzelle.

aso wenn mi nit alles tüscht isch die chlii vo dr peyton do... ;)

dänks au sunscht hätte mir sicher scho wieder öbbis vo ihre ghört

Hallo zämme

ihr liget ganz richtig. danke das ihr an mi dänkt hän.

am 23.06. um 13.22 isch die chli Peyton Renée mit 3500g und 50 cm uf d Wäld cho.
es isch alles guet gange, ich mäld mi spöter no mitem Geburtsbricht.

juhu ändlich )
gratulier euch ganz härzlich und wünsch euch e schöni kennelern zyt. sone härzigi muus, bi grad go s foti aluege

hihi ha doch denkt, das isch dini tochter ;) bi nämmli scho go spioniere vores paar täg ;)

herzliche glückwunsch! jetzt heschs endlich gschafft gniess die erschti zyt, die isch magisch!

Hallo Zämme

Jetzt hani grat chli Zyt zum brichte, die Chlei schloft grat.

Churz nach de 05.00 bini verwache wili chli Fruchtwasser verlore ha, aber kei grossi Mängi. Bi den wider ins Bett ha aber nüm wirglich chöne schlofe. Ha keini Schmärze ka oder so es isch alles ruhig blibe. Den aber um 07.49 hani die erst Wehe becho ohni irgent e vorwarnig und den aber au grat all 5 min. Das über 1 1/2 Stund lang bis mi Maa gseit het so jetzt lütisch a. Das hani den au gmacht und die am Tel, "jo sin si sicher das es Fruchtwasser gsi isch?". Ich nur so Oh man ich ha doch kei verglich ich weis aber sicher dasi nit ins Bett gmacht ha. Jo uf jedefall het sie den gseit das ich mi langsam söll barat mache und s cho zeige. Guet mi Ma isch no churz go Dusche und ind Landi go dr Blick und Zigarette kaufe. Ich bi den au no under Duschi was sich aber nit als e so e gueti Idee erwise het, ich ha zwei Wehe ka und bi durch das halt nit so schnäll gsi. Mi Ma isch scho chli nervös worde wili so lang brucht ha. Schlussänndlich simmer den so um die halb 10i bim Bethesda a cho und chum usem Auto wider e Wehe, sie hän mi den ufm Parkplatz mitem Rollstuhel gohlt und dirägt in Kreissaal brocht. Mitlerwile sin d Wehe all drei min cho und wo sie mi untersuecht hän isch dr Mumu au scho drei cm offe gsi. d Hebamme het mi den auch scho gfrogt öbi e PDA wil oder schunstigi Schmärzmittel, do ich scho fast kei zyt me ka ha zum mi erhole. Ich ha aber wehemänt abglent. Und so hani die ganz Geburt ohni Schmärzmittel dure zoge. Die letzscht halb Stund wo d Presswehe igsetzt hän sin wie ihr jo wüsset die schlimmste gsi. Uhh besser weiss me nit was do uf eim zue chunt. ... S Schlimmst hani jo gfunde wen d Hebamme gseit het jetzt nüm drugge und me het dr drang dr zue...
Nach 5 1/2 Stund um 13.22 isch den unseri Peyton uf dr Wäld gsi. Wirglich s schönst wo eim cha bassiere so e chlins Gschöpf dörfe ufe Arm znä. Ihre Papi het nit mol zyt ka zum dr Blick zläse.
Aber schunst isch er mir e grossi hilf gsi. Ohni ihn häti amigs fast vergässe zschnufe bim änsdspurt.

Also für e erst Geburt hät ichs mir nit besser chöne vorstelle. Kurz aber heftig!

So, soviel zu mir.

Mängmol gohts ebe doch schneller als me denkt Schöne Geburtsbricht. Das mitem "jetzt dörfe sie nit presse" hani nie gha. Has vo vielne aber scho ghört und i stell mr das echt unagnähm vor wenn me sone Pressdrang het aber im Moment grad nit sött.