Abstille und Stuelgang

hallo mamis

ich han sit knapp 2 wuche agfange abstille. jetz isch mini frag wie das mitem gagele söt sii, ich han gläse das chindli eimal am tag ihres gschäftli söte mache. woni agfange han mitem erschte schoppe het sie das jede tag gmacht, aber sit geschter isch nüt meh cho und ich han au sgfühl das sie das chli plagt.
ich büte ihre jede tag kamilletee a und versuech mit fersemassage und velööle ihre darm azrege.

sie het au woni voll gschtill han zum teil müeh gha und uu wenig gagelet.

muess sich da zersch alles ipändle mitem wächsel vode mumi und em milchpulver?
het öper no en guete tip wie ich minere muus chan hälfe?

liebi grüess

versuechs doch mal mit bulboid-zäpfli. Das isch reins Fett und macht dr Darm chli schmirig, damit dr Stuelgang besser usechunt.

ach ja und fencheltee wirkt abfüerend.

Danke lilii für d'antwort! Die zäpli chumi ide apothek über oder? Ich versuechs au mal mit fäncheltee, bis jetz het sie de ned gern gha..aber ich chans ja wider mal probiere!

Ich würd mal zersch ohni Zäpfli probiere und eher mit abfüehrende Läbesmittu. Bi üs hiuft chli Süessmost im Fänchute und sit si isst Zuchetti und Hirsebreu und vor auem nüt wo stopft wie Rüebli, Banane, Riis oder grafflete Öpfu. Woni umgsteut ha vo Stiue uf Ässe hetts scho es Zitli brucht, bis sech der Stuehlgang ipändlet het. D Hebamme het denn gseit, so au angerhaub bis zwe Täg sig okay.

Hoi caramia
Mini isst nonig, sie wird ersch i paar täg 4mt! Mis mami het au scho gmeint ich söl doch mal öpfelbtei geh, bin mir eifach ned sicher ob das sinnvoll isch, jetz wo sie sich doch an schoppe gwöhnt. Ich has nomal mit fencheltee probiert und uf rat vo kia hani den so es zäpfli ge..nach 2h het sie den endluch mal chöne, qber es isch sehr dickflüssig und ungsund grüen hets usxeh..bin chli ratlos, lüt morn nomal am kia a. Sie isch süsch ganz munter und die erschte 1 1/2 wuche sit sie de schoppe bechunt isch alles normal xi! Sie isch no am zahne, chönt das echt au en grund sii???

Vier Mönet isch scho no grad chli chli zum Ässe. Mir hend Hebamme und KIA abgrate vor 6 Monet azfah. (Aber da hei gloub ou aui en anderi Meinig drüber...) i gloub wenn se plaget würdi scho es Zäpfli gä, i ha das ou zwöimau gmacht ( Achtung Wurfgschoss im Fau!!) Mi sött eifach luege, dass si nid müesse fescht drücke bis ne wehtuet, süsch haute sis när zrügg und de wirds no schlimmer. Kia frage findi ä gueti Idee und süsch eifach nid z viu Sorge mache, das pändlet sech de scho i. Ämu bi mire Tochter ischesch plötzlech eifach täglech gsi nach Monate, wosi nume au 10 Tag hett d Windle vou gha. (Gstiuet) Isch eigentlech no gäbig gsi wenni iz hingedri dra dänke
Zahne cha scho si, aber wie d Schlaf-, Ässens- und aui andere Gwohnheite: plötzlech isch wieder aues angers u mi weiss nid werum. Villecht eifach für üsi Flexibilität u Belaschtbarkeit z teschte...

Hihi..ja villicht! Danke dir, das het grad guet ta!! Wünsch dir en schöne abig und nacht #nacht