Impfen

I weiss e schwirigs Thema wo immer wider zu RISSE Diskusione füehrt.
Mi nimts eigentli nur wunder wie ihr zur MMR (Masern, Mumps, Röteln) Imfig stöhnd. Die wird jo eigentli mit 12 Monat gimpft. I bin mit jetzt aber am überlege die Impfig erscht kli spöter lo mache, so mit 24 Monat. Den wer de Lian scho kli älter und es wird jo gseit, dass den die schutzbariere vom Hirni usgrift isch.

chasch du das no besser erkläre. wiso ersch mit 2?

Was wäred dKonsequänze, wenn din Sohn i dene 12 Mönet a öppis vo MMR erchranke würd? Und wenn dus ja eh wetsch impfe loh, wieso denn no warte?

Mini Schwe isch au ä rechti Skeptikerin was das agaht, aber schlussendlich hät sie au meh oder weniger alli Impfige mache la.
Allerdings MMR au erscht ca. 2,5 jährig. Das hät aber än andere Grund gha. Ihren Sohn isch än extreme Allergiker gsi unter anderem uf Eiwiss. Er hät nöd emal Eischale dörfe alange hät scho krassi Schwellige becho. MMR Impfstoff wird irgendwie im Ei züchtet oder so. Bi dä Impfig hät er denn müese im Spital blibe än ganze Tag, isch denn aber doch alles guet gange.

Bi mim Sohn hani die Impfig erscht mit 16 Mt. gmacht, wil er irgendwie die ganzi Ziit chli am umesüche gsi isch und terminlich hanis au irgendwie nöd so ufd Reihe kriegt, wil i immer Angscht gha ha, das er denn chrank wird und ich denn nöd cha go schaffe. Hät zu dere Ziit gar nöd passt.

Ich persönlich denke, wenn mers chli useschiebt isch nöd sones Prolem aber mache würdis uf all Fäll.

Hallo Zämme
Danke eu für eui Antworte. Also han min Sohn etzt hüt doch lo impfe. Hoffe das er d impfig guet vertreit und nid zue gross reagiert.
I wird immer kli nervös vor de Impfige (wemmer so über all die nebewirkige wos kan geh nochdenkt..)und würs am liebscht kli usseschiebe, da er aber fit isch hani denkt lons jetzt trozdem grad mache den hemmers hinter üs....

Ich bi au skeptisch gsi.
Ha eu die Tetanus Impfig nid wellu la machu.
Willi hald viel schlächts kehrt ha.
Schlussändli het mich der Arzt informiert und darum han ich schi de la machu.
Äs git ganz viel positivs und negativs zu den Thema.
darum deich ich es muess vär eis sälber stimmu.

Ich möchte mal Frage: gits au Lüüt wo sini Chind nöd gimpft händ?
Möchte mini Tochter vor Jöhrig nöd Impfe loh.